شوية نكت ...على الماشى...

اتنين مساطيل بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

واحد بيقول لمراته انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل ... عسل

واحد كان بيدور على مطعم نظيف، لقى محل مكتوب عليه (حاربنا الذباب) فراح

داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع

كل الذباب ده منين الجرسون: احنا حاربنا الذباب بس هو فاز علينا

استاذ سال طالب اهبل :من هو الحيوان اللي يصحّينا لصلاة الفجر؟ قال له : ابويا

مرة طفل غبى مووووت راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام


كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب
للأسد و قال له على تصرفات النمر معاه.الأسد قال للنمر يا أخي إتلكك للأرنب
بطريقة أحسن من كده، قول له هات لى جزر، إذا جاب لك جزر لونه أصفر إضربه و
قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر.
فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر نزل
في الأرنب ضرب و قال له إنت ودانك طويلة ليه


مره واحد شاف واحد زعلان قاله انتا زعلان ليه قاله
والنبى شبسى فى حالى قاله ليز قاله ابويا كرنشى من البيت قاله يا عم قلبظ دماغك


اتنين مساطيل حبوا
يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا
الهدوم وقعدوا يزقوا فى العمارة يزقوا ، جه واحد من وراهم وسرق الهدوم ،
فواحد منهم بص ورا ملقاش الهدوم فقال له كفاية كدة احنا بعدنا اوى


مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجعش راحوا
يدوروا عليه لقوه شايل تمساح صغير و بيغني له بابا فين


واحد ندل جيرانه خبطوا عليه بالليل وقالوله
ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربي مياه و نامى

واحد ميكانيكي فتح مصنع شيكولاتة سماه كالاكسى

مرة واحد بيقول لصحبة تزعل منى لو قلتلك انى خنتك مع مراتك قالة لا احنا كدة خالصين


شلة شباب قاعدين في القهوة قام واحد فيهم قال اللي بيسمع كلام مراته يقف في اليمين
كلهم قامه وقفه ماعاد واحد ..
قالوله معقول مش بتسمع كلام مراتك .. موقفتش معانا لية ؟؟
قالهم اصل مراتي قالت تروح القهوة بس بشرط ماتتحركش من مكانك