الحموات الفاتنات

تبقى قاعد في امان الله مع مراتك وقاعدين تهرجوا تقولها بحبك يا توته وتقولك وانا ..... وفجأه يدق الباب
هو : خير الله اما يجعله خير من اللي جاي لنا الساعه ديه
هي: مش عارفه قوم افتح يا حبيبي
هو : ربنا يستر
ويروح يفتح الباب وللاسف ربنا ما استجبش لدعوته يلاقي في وشه حماته
هو: ( في سره اعوذ بالله من الشيطان الرجيم ) حماتي الحموات الفاتنات 5416

حماته : ايوه امال عفريتها جاي يطل عليك ايه كل ده علشان تفتحوا الباب انت وقعت على ودنك ولا ايه
هو: في سره ( يا رب الناس كبيره وصغيره بتموت وحماتي اللي خلاص العنكبوت عشش في مناخيرها لسه عايشه افتكرها يا كريم )
حماته : سرحان في ايه بقى يا راجل يا ناقص اكلمك في التليفون واقولك تعالى بتخانق مع المعلم عكوة الجزار تقوم متجييش الحموات الفاتنات Ranting_w

هو : طب ما انا افتكرت ان ولادك اكيد هناك يا حماتي
حماته : ليه هو انا مستغنيه عنهم
هو : يعنى ايه مستغنيه عنى انا وبعدين ده راجل مفترى اخر مرة كان اتخانق مع جاركو اسماعيل الله يرحمه وفضل معلقه في المحل تلات ايام
حماته : انت لو اتهببت مت هالاقي بدالك ميت عريس لبنتي اللي اتعمت لما خدتك واقولها يا بنتي بصيله تقولي بحبه ياماما يابنتي بصي كويس تقولي بحبه اقولها دققي في ملامحه تقولي الموكوسه مالها ياماما اجيبلها صورة قرد واقولها بصي للصورة وبصي له ايه يفرقهم ترد عليا تقولي بحبه ياماما وادي النتيجه اتجوزتك وعملت عمليه ليزر في عنيها ورجعت تشوف كويس ولما فاقت شافتك اتخضت واصرت ان الدكتور يرجعلها نظرها زي ما كان .
هو : كتر خيرك يا حماتي ( في سره يارب مش عايز غير الدعوه ديه وبس خدها خليها تبلع لسانها اكيد هتتسم )
حماته: بنتي حبيبتي معلش نسيت اسلم عليكي اما لاقيت الموكوس في وشي
هي : نورتي يا ماما يا حبيبتي عامله ايه
حماته : كويسه بس الراجل اللي اتعميتي واتجوزتيه رفعلي الضغط
هو : معلش يا حماتي معلش
حماته : وبعدين ايه اللي انت لابسه ده شورت وفانله امال فين الكاب انت فاكر نفسك شغال في سيرك ولا كنت بتسليها وبتعملها فقرة المشي على الحبل طب هو انا غريبه اعملنا عجين الفلاحه ادخل غير واتحشم ، وبعدين جيب لي حاجه اشربها يا عديم الذوق يالا . الحموات الفاتنات Ranting

هو يدخل المطبخ ويعملها شاي ويبص لعلبة سم الفيران ويقول اخلص منها واخلص نفسي بعدين يرجع ويقول حرام هاروح من ربنا فين يرد على نفسه ويقول اكيد ربنا هيسامحني لأ لأ اعوذ بالله من الشيطان بلاش ) ويخرج
حماته : كل ده علشان كوباية شاي موكوس ومدهول يا حظك يا بنتي وتدوق الشاي ايه ده الشاي طعمه زفت ادخل اعملي واحده عدله يالا
هو : من عنيا يا حماتي (وهو يبتسم مش خسارة فيها العلبه كلها )
ويدخل المطبخ ويمسك السم بعد كده يرجع في كلامه ويرجع الاوضه تاني
حماته : وريني ضبطته ولا حتى في ديه مش عارف الحموات الفاتنات 5416

هو : ضبطته يا حماتي بس انتي مقولتليش انتي جايه ليه
حماته : الله بيت بنتي اجيه وقت ما انا عايزه حكم
هو : طبعا يا حماتي تنوري بس متهيألي فيه سبب
حماته : عرفت ان بنتي حامل قلت اجي اقعد معاها لغاية ماربنا ينتعها بالسلامه
هي : بجد يا ماما الحموات الفاتنات Clap_1

حماته : اه يا حبيبة ماما هاقعد معاكي وهانام انا وانتي في اوضه واحده فاهمه
هو : يا نهار اسود ديه لسه في الشهر الاول يا حماتي الحموات الفاتنات Dance

حماته : وكمان بتسود النهار انا قلتها كلمه ربنا يسامحه ابوها اقوله نناسب ده يرد عليا ويقولي معلش ماهي خلقه ربنا
هو: يبص لنفسه في المرايا يعنى ايه انتي مجوزاها لقرد الحموات الفاتنات 34

حماته : اسخم على الاقل القرد كان هيقعد يتنطط لها يسليها مش زيك
هو: بقه ديه اخرتها يا حماتي عايزاني اقعد اتنطط لها الحموات الفاتنات Jumpy

حماته : وفيها ايه مش مراتك حبيبتك لو انت معملتهاش قرد مين اللي هيعمل لها
هو: في سره حسبي الله ونعم الوكيل فيكي يا انثى العنكبوت الحموات الفاتنات Cry_1

حماته : وبعدين في موضوع مهم عايزه اكلمك فيه الحموات الفاتنات Argue2

هو : خير
حماته : انت عارف طبعا انها حامل
هو : ايوه
حماته : وطبعا ابنك او بنتك هتحبهم
هو: طبعا
حماته:وعارف انها اكيد هتتوحم يبقى لغاية ما الوحم يخلص ماشوفك قدامي
هو: ليه يعني الحموات الفاتنات Jawdrop

حماته : حرام عليك الواد ولا البنت يطلعوا شبهك ده لو حصل افطسهم ارحملهم
هو: حرام عليكي امال اروح فين الحموات الفاتنات Bash

حماته : انت طالما هتقعد معانا يبقى تتلثم تخبي وشك العكر
هو: اتلثم يا شيخه حرام عليكي
حماته : حرام عليك انت ولادك
بصراحه انا جالي في المنام المرحوم ابوكي وكان لابس شورت ابيض وفانله حمالات مقطعه معفن عادي متغيرش المهم قالي خلي بالك من اللي في بطن بنتك اوعي بوز الاخص جوزها يكرف عليهم وصيتك اللي في بطنها وفجأة طلع يجري والناس وراه بتقول حراميييييييييييييييي الحموات الفاتنات MOTORCYCLE

هو: بعدين لابس لك شورت ابيض وفانله مقطعه حتى جهنم رايح يشحت فيها
حماته : اخرص هي وصيه وهانفذها ودي وشك الناحية التانيه يا اخي الحموات الفاتنات Ranting2

هو: في سره هي ايه محسساني انها بتكلم قرد هي مبتشوفش نفسها في المرايه لما امها كانت تحب تخوفها كانت تخليها تبص في المرايا وتقولها العوا اهه الحموات الفاتنات Eek

حماته : وانتي يا بنتي ولا تكلميه ولا تردي عليه زيه زي اي كرسي في الشقه فاهمة الحموات الفاتنات Ranting

هي: بس يا ماما
حماته : مفيش بس الحموات الفاتنات Ranting

هو : في سره كده يا حماتي طب اصبري عليا هاخليكي تموتي موته محدش ماتها قبل كده اخليكي تموتي بفضيحه الحموات الفاتنات 11xing

ان ما كهربتلك قاعدة الحمام يا انثى العنكبوت الحموات الفاتنات 7579